Nyina wa President Nîarahuurûkire
Andû a Afrika ya itherero nî maraaririkanio ûhoro wa President wa gataano wa bûrûri ûmwe gûûkû, nîûndû wa gîkuû kîa nyina. Suzana Ngolo Musa, nyina wa President John Pombe Magufuli, ûrîa waarî mûtoongoria wa gataano wa bûrûri wa Tanzania, nîarîîkîtie kûhuurûka. Kûreerîkana arakuire hwaaî, 25/05/26. Magufuli aakuire mwaka wa 2021, arî President. Oeete waathani wa […]
Mabûrûri No Mebaangire Mategwîciiria Ûhoro wa Trump na Iran
O na ûngîakîra ciana nyûûmba cia ngoroba, ûcooke ûciûragithie ng’aragu, nyûûmba icio itingîkorwo na kîguni. Ûguo nîguo thî îhanîîte rîu. Mbei ya maguta îhaicîîte ta rûûrû nî rû, kuuma mûtoongoria wa Amerika anyiitana na wa Israeli gûtharîkîra Iran. Haaro Ciene Cihutîîtie Mabûrûri Maangî Atîa? Ûrîa kûrî nî atî, bûrûri wa Iran wariingwo na makomboora nî […]
Ndagîtaarî wa Kenya Gûciinda Mirioni sh.446
Ndagîtaarî ûmwe wa Kenya nî mûtaambûre rûraaya. Arataambûrirwo nîûndû wa ûthuthuuria wîgiî mûthoondekere wa “Cancer” ya mûmero (throat cancer). Ndagîtaarî ûmwe mûnene wa Kenya, nîwe Professor George Njoroge, nîaheetwo ngerenwa nîûndû wa wîîra waake harî ûthuthuuria wa mûrimû wa kaansa (cancer) ya mûmero. Professor Njoroge akoreetwo akîrutîra wîîra thibitaarî-inî ya Kenyatta University Teaching Referral and […]
Magooti ma Aruti a Wîîra nî Magûithio
Magooti ma andû arîa aandîke nî manene na njîra îraaritûhia mûtûûrîre. Aandîkani a mabeengi na ataaramu a mathabu merîîte thirikaari îgûithîrie aruti a wîîra magooti. Marutîîte ndûmîrîri îno makîruta mawooni maao ûhoro-inî ûkoniî “Finance Bill, 2026”. Andû acio marutîîte ndûmîrîri îno magereire ciama-inî ciao, nîcio Kenya Bankers Association (KBA), na Institute of Certified Public Accountants […]
Kîagaago gîa Kûrigwo ûrîa Gûûgûthiî Thuutha wa Kiumia Kîmwe
Mûgoomo wa ngaari nîweetirwo na ûgîîtîkwo. No nîwacookire ûkîrûgamio o ro rîmwe. Hiihi gûûgûthiî atîa kiumia gîûkîîte? Mûthenya wa Njuumatatû hîtûku, mweri ikûmi na inyaanya wa Gataano (18/05/26), andû Kenya mookîrire mooî gûtirî matatû bara. Ûhoro wa ma gûtiarî na matatû. O na tegithi gûtiarî. Gûthaahio kwa mîthiîre gûgîcooka gûgîîkîrwo hinya rîrîa taîri ciakirio mwaki […]
Nî kîî Ndiithûrû Yagîa Goro Ûguo Kûrî Betûrû?
Kuuma tene, Kenya tûûî betûrû îrî goro kûrî ndiithûrû, nayo ndiithûrû îrî na goro kûrî maguta ma taawa. No ûmûûthî tiguo kûhaana. Hiihi nîkîî gîtûmi? Ndiithûrû nîyo îrî na goro mûno rîu Kenya. Îroima ta ciriingi magana meerî ma mîroongo îna na ithatû (sh.243). Nayo betûûrû îkoima ta ciriingi magana meerî ma ikûmi na inya […]
Mathiko ma Reverend wa PCEA ûrîa Wahurûkire Kiumia
Mûtungatîri wa kanitha wa PCEA ûrîa ûratuungataga PCEA Thika Town Church agaathikwo mûthenya wa Keerî kiumia gîîkî kîrooka. Rev. Daniel Kamau Ndîritû aakuire mûthenya wa Kiumia, 10/05/26. Ribooti itarî njîkîre mûkoonde kuuma kûrî Akristiano a PCEA, îroiga atî Rev. Daniel Ndîritû nîarathîînagio nî mûrimû wa meciiria wa “depression”. Atî na nîguo ûratûmire akue. Mahooya ma […]
Riganîrwoi nî Amerika, Mûnene Ûmwe Kwîra Andû Aniini
Kaba gûthiî kûûndû kûûngî no ti Amerika. Nîguo mûtoongoria ûmwe areerire gikuundi kîa andû aniini. Mûtoongoria wa bûrûri wa Njîrîmaani (Germany), Chancellor Friedrich Merz, areerire gîkuundi kîa arutwo atî, Amerika ti kûûndû kwa mûûndû gwîciiria gûthiî kahiinda-inî gaaka. Akîarîria arutwo a Gatooreki o kûu Njîrîmaani mûthenya wa Gataano gaaka karaahîtûkire, 15/05/26, Merz oigire atî kahiinda-inî […]
Thirikaari ya Ghana Gûteithia Gûthaamia Andû Ake Kuuma Afrika Ya Mûhuro
Andû magana matatû nî marîkîîtie kwîyandîkithia wabiici-inî ya ûmbarûûthi wa Ghana bûrûri-inî wa Africa ya Mûhuro (South Africa). Ûû nî kûrûmîrîra ûcogothi ûrîa ûkoreetwo kuo na gûtharîkîrwo kwa andû a mabûrûri maangî ma Afrika. Andû airû a South Africa, mûno kuuma mîtaa na icagi iria hiinyîrîrîku mîikarîre-inî, nî makoreetwo magîtharîkîra ageni a kuuma mîena îngî […]
Mathiko ma Reverend wa PCEA nî Mabaange
Mathiko ma mûtuungatîri wa kanitha wa PCEA ûrîa wîîrîga kûhuurûka, nî marîîkîtie kûheeo mûthenya. Reverend Daniel Kamau Ndîritû, ûrîa ûratuungataga kanitha wa PCEA Thika Town, aakuire kiumia, mweri ikûmi mweri ûyû (10/05/26). Mathiko maake mabaangîirwo mûthenya wa keerî kiumia gîîkî gîûkîîte. Nîguo mweri ikûmi na keenda mweri ûyû (19/05/26). Ûhoro wa Macakaya Mahooya ma macakaya […]