Elon Musk (Photo courtesy of the White House)
Tûiguaga mûndû nî “billionaire” tûkamaka. Rîu kwî na mûndû wî hakuhî gûtuîka “trillionaire” wa mbere thî yoothe. Twahota kûgîa na “trillionaire” thikû itathiîte mûno, nîûndû wa biacara îraathiî na mbere.
Mûndû ûcio wî hakuhî gûtuîka “trillionaire”, na nî ya ndoora ya Amerika ti ciriingi ya Kenya, nî Elon Musk. Tayarî Elon Musk nî “dollar billionaire”, na nîwe mûtoongu mûno thî yoothe.
Kahinda-inî gaaka ûtonga waake ûreerîkana nî mûkîru $980 billion, kûriingana na kambûni îî gatû ya Forbes.
Elon Musk Eegûtuîka “Trillionaire” atîa?
Nî ûhûthû Elon Musk atuîke tiririonea icaikuhî na nîûkuona nîkî. Mbirioni kîhîîri iria ee nacio rîu nî cia kuuma kambûni-inî ciake igîrî: ya gûthoondeka ngaari cia thitima, Tesla, na ya gûthoondeka macini cia kûûmbûka ta ndege, SpaceX.
O na rîmwe NASA, kambûni ya thirikaari ya Amerika îrîa îratûmîîte Artemis II kwa mweri mûthenya ûngî, nî îkoomboraga macini ciake cia SpaceX.
Rîmwe igatwarîra NASA ataaramu kwa mweri, kana ikamîrutîra mawîîra maangî ma bata marabatario macini ingîkinya kûûndû kûraihu biû rîera-inî. Na mbeeca iria arîhagwo nî NASA gwa thabaarî îmwe ti ta iria tuonaga irî nyiingî irî na mûndû ûmwe.
Nîkûrooneka ta Elon Musk egûtoonga, atanatoonga atoonge rîngî. Ûguo nî toondû kambûni ya SpaceX nî îreendia “share” na IPO.
Ûrîa “Share” cia SpaceX ingîtoongia Elon Musk Arige
Ataaramu maathima baariû ya cîîa cia SpaceX iria ireendio, moneete nî ta $1.77 trillion. Na cîîa cia Elon Musk ikoragwo irî 42% ya cîîa cia SpaceX.
Aangîoya gîcuunjî gîake oongerere harî ûtoonga waake wa kawainda ithî tiririoni ndîaiyûra na yoina?
Ningî nî weega kûmenya atî andû aingî mûno nîmareenda cîîa ici cia SpaceX, iria iraambîrîirie kwendio ira hwaî-inî wa Amerika na thogora ûrîa mûtue wa $135. Kwoguo andû aingî nîmekwaaga cîîa o na makîendaga.
No nî gûkîrî arîa mekûgûra cîîa na maciendie IPO yahiingwo o ûguo, getha marîe baita ya haraka. Kûrataanywo atî hîîndî îyo cîîa icio cia SpaceX nî iigûkorwo ihaicîîte igakinya $190.
Ithî pirimiamu to îrahaica? Ta wîciirie ûhoro wa andû ta aruti a wîîra a SpaceX meendeirio cîîa riita rîa mbere na mbei ya ndoora igîrî ($2)! Tondû acio nîmekûgetha maciaro ma IPO ya SpaceX o ûû weega rî, î Elon Musk na cîîa ciake cia mbere ciarî thî ya $2, na niingî ee na cîîa nyiingî biû?
Kwoguo, ûguo maûndû maikaire, kûgîa na “trillionaire” kahiinda-inî gaaka na nîwe Elon Musk nî ûndû raithi mûno.