Iran Kûriinga Mûkaawa Mûnene Iraq, Weendetwo ni Ageni
Kûrî mûthenya wa Gataano kiumia gîîkî, Iran nî îraaikirie makomboora mûciî ûmwe kûûrîa bûrûri wa Iraq, wîîtagwo Erbil. Makomboora macio mareerekeirio mûkaawa ûmwe mûnene ûceeragwo mûno nî ageni a kuuma rûraaya, na wîîtagwo “Erbil Arjaan wa Rotana Hotel”. Hau kabere, Amerika nî îrakoretwo yanyiita mûhuuhu atî Iran nî îreenda gûikia matharaita Iraq, no ndîraanyiitîte ûhoro […]
Mîripuko Mînene Kûiguîka Tel Aviv. Trump na Netanyahu gûcaria thû cia Iran imateithie mbaara.
Kûrî mûthenya wa Kana kiumia gîîkî, ing’oora ciarîrîîte kûrîra kûûrîa mûciî mûnene wa Israeli, Tel Aviv. Ndoogo njirû nayo îgakîiyûra igûrû rîera-inî, kuumanagia na mîripuko yaatuthûrîtwo nî matharaita maikîtio kuuma Iran. Nacio icigo iria ithiûrûrûkîirie kîwaanja kînene kîa ndege kîa Ben Gurion igakînuunga o ndoogo. No weega nî atî, gûtihaana ta kûrî andû maraumiire tharîkîra-inî […]
Waabici cia Amerika iria irî Riyadh na Dubai Gûtharîkîrwo nî Iran. Amerika kwîra andû aake Meethare. No Mekûûra nakî na Ndege nî Hiingîrîrie?
Kûrî mûthenya wa Ira, Gatatû, waabici Nene ya Amerika kûûrîa Dubai, nîyo “Consulate” (mûtheemba wa “Embassy”), nî îraakong’oririo nî Iran na matharaita ma mûtheemba wa ndirûûni. Kûraatuîka ndirûûni îyo îragûire o ro nja harîa andû maigaga ngaari ciao getha matoonye waabici; yaani “parking”. Kûriinga thî ûguo, no kûripuka îraaripukire o hau hau. Mwaki ûrakîrîrîîmbûka, nayo […]
Î Mûriû wa Khamenei arîaya Gûcooka Ithe Gîtî?
Mojtaba Khamenei (Photo courtesy of Reuters) Mûthenya wa keerî kiumia tûrî, kwerîkanire atî kîama gîa atoongoria a ndini Iran, nî kîarîîkirie gûtua itua nûû ûgûikarîra gîtî kîa mûnene wa kîîndini wa bûrûri ûcio. Ûrîa ûraarî gîtî-inî kîu, Ayatollah Ali Khamenei, nîerîga gûkua e wa mîaka 86. Ooragirwo mûico-inî wa kiumia gîîkî kîraahîtûkire, nî matharaita marîa […]
Sakaja nî eethûkîirie kana nî atîa? Angîrutwo wîîra ta rîu rî, nî Gûûkûgîa na Gîthuurano Kîniini o rîrîa Gîthuurano Kînene Gîtigîtie ta Mwaka na nuthu?
Gabana wa Nairobi, Johnson Sakaja, nî eethûkîirie gîsiasa nî gwîtîkîra kaûntî yaake înyiitanîre ûramati na thirikaari nene? Mweri wa ikûmi mwaka mûthiru, Sakaja maarûgamire hamwe na Mûnene wa Bûrûri, William Ruto, magîtaangatha atî nîmaiguithania maramate Kaûntî ya Nairobi me hamwe. Aakenya aingî makîona ta arî Sakaja na mbûtû yaake ya atoongoria îraatuunywo maahinya. No we […]
Andû anene Thirikaari-inî ya Iran kûûragwo nî matharaita maikîtio nî Amerika na Israeli. Abu Dhabi gûtharîkîrwo nî Iran. O na Cyprus nî tharîkîre nî Iran. Hiihi Rûraaya rwa Europe nî rûgûtoonyerera Mbaara îno?
Kwî na mogarûrûku maingî mûno kuuma Njumamoothi rîrîa Amerika na Israeli matuthûrire mbaara Iran. Wa mbere, mabûrûri matakuruhanîîte na mbaara îyo nîmeekoreete kuo gatagatî. Kwa mûhiano, Iran nîyanjîîtie kûgûtha mabûrûri ma gîcigo kîa Gulf na matharaita ma gûikîrio kûraaya, kana missiles. Bûrûri ta Qatar nî mûcûnithie mbaara îyo nî Iran. Bahrain ta guo. Dubai ta […]
Bûrûri wa Iran Gûtharîkîrwo nî Amerika na Isiraeli
Amerika na Isiraeli nîmatuthûrîîte haaro makoreetwo makîmereria mata kahiinda karaaya, ya gûtharîkîra bûrûri wa Iran. Ûguo nî ta kuuga o na mîario îraathiaga na mbere kiumia gîthiru kûûrîa Geneva, mûciî mûnene wa Switzerland, ndînagîa na uumithio. Gûgîkinya mûthenya wa kana mîario nîyaharaganîîte. Amerika ndîendaga kûigua ûndû ûngî tiga ûrîa yo îreenda Hîndî ya mîario îyo […]