Tûtikûrûîrîra Gûtuîka Mburûka
Mbaara îrîa îraathiî na mbere Iran îreheete maûndû maingî mûno, tondû araata amwe matireenda kwonana, na andû angî kawainda mageithanagia nî kwaga wîîki rîu mahaanîîte ta araata. Ta rîu President wa Amerika ndareenda kûigua Ngeretha îkîgwetwo, na Amerika na Ngeretha matûire me ndûgû. No gîtûmi nî toondû, Ngeretha na mabûrûri maangî ma rûraaya nî maraaregire […]
Mwandîki wa Moohoro Kûnyiitwo Mîgwate Bûrûri-inî wa Iraq
Nîgûkoretwo na ikuundi iranyiita andû mateka mabûrûri-inî ma Gulf, na itûmi ciao itiraamenyeka. No mûno kûrooneka ta meerekeirie ûndû ûcio oongania a moohoro (reporters). Ta rîu nî kûrî mûirîtu ûmwe ûûnganagîria ngatheeti îmwe ya Amerika moohoro îîtagwo AI Monitor, naake eetagwo Shelley Kittleson. Kahiinda-inî gaaka akoretwo akîûngania moohoro bûrûri-inî wa Iraq. Nî kûrî gîkuundi gîkoretwo […]
Italy Gûciindwo World Cup
Italy nî îraremirwo nî kûingîra kîhîtahîtano-inî kîa mûbiira wa magûrû wa thî yoothe, World Cup, thuutha wa gûciindwo nî tiimu ya Bosnia na Herzegovina. Rîîrî nî ihiinda rîa gatatû Italy kûhootwo ûguo. Nî ta kuuga Italy, bûrûri wanooya gîkombe kîa mûbiira ûyû wa World Cup maita mana, rîu îkwîrorera îrî o haraaya, tiimu mîroongo îna […]
Kûrî Andû Ana Maraathiî Kwa Mweri Ûmûûthî
Andû ana nîmaratûmwo kwa mweri ûmûûthî kûûrîa Amerika. Harî na arûme eerî na mûtumia ûmwe marutaga wîîra na kaambûni ya NASA, na mûndû mûrûme ûngî ûrutaga wîîra na kaambûni ya CSA. Kahiinda-inî gaaka marî mûcii-inî wa Florida meetereire kûûmbuka na “ndege” yaao ya mwanya. Kaambûni cia NASA na CSA ciîhang’agia na maûndû ta maya ma […]
Ikuru ti Mûciî kwa Mûndû: ûcio nî uuge wa Njaanji
Njaanji ûmwe bûrûri-inî wa Amerika, Judge Richard Neon, oigîte atî President ndaagîrîirwo nî gwakûra White House kûûndû kûmwe kana îrî yoothe nîguo amîake ûrîa eekwenda, tondû kûu ti gwake. Agîkiindîra ûhoro ûcio, njaanji nîaroigire atî White House nî kûrîa President wa Amerika aheetwo nî waatho aikarage na bamîrî yaake, o kahinda-inî karîa arî gîturwa-inî kîa […]
Ithî Mûûndû nî Arîtee Wîîra nî Kwarîria Andû Rûthiomi Mataranyiita
Abithaa mûnene (CEO) wa kambûni ya ndege ya Air Canada, Michael Rousseau, nîareekorire agîtiga wîîra o ûguo hubu, thuutha wa thogothogo kuumîra kiumia kîrîa kîraathirire. Thogothogo îo îraatuthûkire nîûndû nî harî haandû eerîga kwaria rûthiomi rwa gîthûûngû, haandû ha kwaria gîthûûngû na gîbaaranja. Kîambîrîria kîa Ûhoro Woothe Kûrî mweri mîroongo îîrî na igîrî kiumia kîrîa […]
Gûtirî Mûûndû Ûreenda Athamaki Gûûkû: Andû Kwîra Trump Maandamano-inî
Njuuma îno îrathirire, mweri 28/3/26, Amerika gwatiindire maandamano maheetwo rîtwa “Tûtiikwenda Athamaki”. Andû a Amerika makoreetwo mathikîrîirie na meeroreire mûtoongoria waao, Donald Trump, o kahiinda, na nîmoneete nîeriragîria gûkorwo arî na maahinya ta ma mûthamaki. Mûthamaki kawainda eetîkagio maûndû moothe, ûrîa agweeta ûkooywo arî waatho. Ningî mûthamaki akoragwo athiûrûrûkîirio nî andû a kûmûgana. Ningî Trump […]
Hiihi Nî Mekûrekereria Maduro?
Njaanji ûmwe wa mûciî wa New York, Amerika, ûrîa ûrathikîrîria ciira wa President wa Venezuela, Nicolas Maduro na mûtumia waake, oigîte atî nî haki yaao gûthikîrîrio na kîhooto, na kûrûgamîrîrwo nî mawakiri ta ûrîa waatho ugîîte. Njaanji ûcio eetagwo Alvin Hellerstein. Kûrî mweri ithatû, Njanûeri, mwaka ûyû (3/1/26), gîkuundi kîa mwanya kîa jeshi ya Amerika […]
Trump Araakarîîtio nî Ngeretha Akariga
Mûtoongoria wa Amerika, Donald Trump, nî mûraakarie nî mabûrûri marîa makoragwo marî araata a Amerika. Nîmo Ngeretha, Baraanja, Njîrîmaani, na maangî ma rûraaya. Gîtûmi nî toondû, mbaara îrîa îraathiî na mbere Iran yaacaca, matiigana kwîyuumîria gûteithia Amerika. No nî ta araariganîrwo atî, tiga nî inegene matareenda, o nao nî maarigirwo Amerika nî mûraata ûhaana atîa […]
Me Kwanîka Mûnene wa FBI
Mûnene wa Federal Bureau of Investigations, FBI, Kash Patel, nî mwanîke. Maûndû marîa mûûndû aandîkaga akaiga komiuta-inî kana mûtandao-inî akaûnti-inî ya marûa (E-mail), nîmo maraahingûrirwo, marathoomwo, na maraikio akaûnti-inî îngî andû angî mathoome meenda. O na nî harî mbica andû acio marakuuire na marathiî kwanîka akaûnti-inî yaao. Mîtugo îyo îraarutirwo nî gîkuundi kîrî ho kîa […]