Peter Nthei nî ekûrîhwo Ksh.1.4 billion nî Safaricom.
Igooti inene rîa Kenya rîraathanire atî Peter Nthei arîhwo Ksh.1.4 billion) nî kambûni ya Safaricom.
Gîtûmi kîa Irîhi Rîu Inene
Igooti rîathikîrîria ciira, nî rîroonire atî kambûni ya Safaricom nî yakobirie wîîra wa kîîmerera wa Peter. Meeka ûguo magîthoondeka MPESA ya ciana.
Wakiri wa Peter nîerethire ûrîa Peter athiire akîonia kambûni îyo buraani ya ûrîa îngîanjia kûhe ciana itakinyîtie mîaka ya kwoya kîbaandî ûtuungata wa MPESA.
Peter na kambûni îîtagwo Beluga Limited makîarîria abithaa ûmwe wa Safaricom akiuga gûtiingîhoteka. Gîtûmi nî tondû no mûhaka mûndû akorwo na kîbaandî nîguo aandîkithie raini ya MPESA. Kambûni ya Beluga nîyo yaheete Peter kîgîîna gîa kûruta wîîra ûcio.
Maikaikara, nî moonire macooke o kûu Safaricom. Hîîndî îno ya keerî maaririe na abithaa ûngî. Makîmwîitûrûrîra, na makîmwonia makinya moothe ma buraani yao. Makîmuonia ûrîa ûtuungata ûcio wa mûtandao ûûngîhoteka ona matiinînja matanaheeo ibaandî.
Gwathiire atîa Peter Nthei oonia Abithaa wa Safaricom Thiri ya Wîîra Waake?
Haandû ha gwîtîrwo kaandarathi ya wîîra nî Safaricom, kana hiihi mîario ya ûrîa Peter angîenderia kambûni îyo “copyright”, kûratuîka kambûni yaanjirie kûhûthîra wîîra waake; buraani îrîa amoneetie.
Peter ookîrire mûthenya ûmwe akîona mûtandao-inî atî Safaricom îrî na ûtuungata mwerû îraahe andû matakinyîtie kûheeo ibaandî.
Uûngîtaanya atî ta rîrîa kambuni imwe irahiinga mawîîra nîguo nyiingî ingîhee andû aniine roho wa kwîyaandîka.
Igooti Kûhe Peter Nthei Haki Yaake
Nî mwîhoko wa Aakenya atî andû aniini matiigûkua ngoro, o na kûrî na mîtino ya kûrûûgio haki yaao nî kaambûni nene kana maabithaa arîa maciirutagîra wîîra.
Igooti rîrîa rîathikîrîirie ciira ûyû o narîo nîrîbatie gûtûûgîrio. Rîhîtûkîtie atî Peter Nthei arîhwo haki yaake ya mbirioni hakuhî na nuthu, nî rîheete andû aniini mwîhoko, atî mûûndû no arute wîîra mûtheru Kenya na atoonge.
O na niingî itua rîîrî nî rîonanîtie atî to mûhaka itoonga ihinyîrîrie athîîni.