South Africa’s President Cyril Ramaphosa (Wikipedia Photo). Ati Ramaphosa atige gûceera.
Ghana îreerire mûtoongoria wa bûrûri wa Afrika ya Mûhuro (South Africa), Cyril Ramaphosa atige gûûka gûceera. President Ramaphosa arabaangîîte iceera rîa mweri ûyû ûûkîîte wa kanaana.
Ghana Îroigire Ramaphosa Atige Gûûka Nîkî?
Ghana nî ndaakarie nî South Africa. Wa mbere mwaka ûyû tûrî wa 2026, Nyeuthi cia South Africa nî ikoreetwo ikîûgita Nyeuthi iria ng’eni. Andû acio a South Africa makoreetwo maagithîîtie ûikaro Nyeuthi cia kuuma mîena îngî ya Africa.
Na to mîario makoreetwo makîmaikîria mîûru. O na biacara ciao nî makoreetwo magîcianaanga. Magakîmeeraga macooke kwaao atî nî maramaagithia mawîîra.
Ûyû nî mûtugo ûrîa wîîtagwo na gîthûûngû “xenophobia”.
Nyeuthi cia South Africa Kûingata Nyeuthi Ingî
Nyeuthi cia South Africa iraingîhirie rûmena nginya iraahe ageni a kuuma Africa mûthenya wa mûico. Cioigire itiikwenda kwona mûûndû wa kuuma bûrûri ûngî wa Africa gûgîkinya mûico wa mweri wa gataandatû (30th June).
Thirikaari mwanya mwanya igîkîanjia kûgîîra andû ao matigakîûragîrwo South Africa. Na Ghana na Nigeria nî imwe cia thirikaari icio.
Rîrîa thirikaari ya Ghana yaakiuga Ramaphosa aambe akiindîrie rî, harî na gîtûmi. Nîyûûî marûrû marîa andû a Ghana marî namo. Kwanja amwe aao maatigithirio biacara maakîîte na magathoondeka mîaka ikûmi na kuuna.
Niingî ûngîona A-Ghana moigîîte Gold Fields îthaame Ghana rî, Ramaphosa nî atige kwîriingîrîria Ghana. Maahota kûreehe icaanjama mûciî mûnene wa Accra kana Ghana yoothe. Gold Fields nî kaambûni ya South Africa yeenjaga thahabu bûrûri-inî wa Ghana îkîendagia.
Andû Ghana meerîga kwîyuumîria, magathiî mawabici mwanya mwanya ma thirikaari kwonania matûkûya. Mathiire mawabici marîa maheanaga marûa ma ûigithia, makîmeera matikaahe kaambûni ya Gold Fields marûa rîîngî.
Kuuga Ramaphosa atige Gûceera nî Kuonania Njatûkano Africa
Ûhoro wa President Ramaphosa gûtîîrîrio iceera arabaangîte rîrî rîa mweri wa kanaana ti ûhoro mûhûthû. Wa mbere, nî ûhûthû thirikaari ya Ghana îkorwo o nayo ti ngenu. Îkorwo hiihi ndîiganîire atî thirikaari ya Ramaphosa nî îgeretie biû kûniina “xenophobia”.
Ûndû ûngî nî atî, oro rîu icaikuhî, andû a Africa nî moonanirie kwamûkana na South Africa hîîndî ya mûbiira. South Africa magîciindana na Mexico, andû a kuuma Africa makûûngûyagîra Mexico. O na nî beendera cia Mexico mainainagia.
Îyo yaarî njîra ya kwîra South Africa maanîrîire atî “Kaba tuumanwo o ûguo mûreenda”.
No ûrîa kûrî nî atî, ûûrûmwe wa mabûrûri ma Africa nî ûrî kîguni kûrî kwamûkana. Kwoguo, o na akorwo Ghana nî yuugîte Ramaphosa atige gûceera, kaba kûrorwo ûrîa kûûngîthiî andû maiguane.