Gwatiinda hûî hûî nyiingi Amerika ya Mûhuro ûmûûthî, nîûndû wa ithiingithia gûthukathuka Venezuela. Ithiingithia icio ciuma igiri, na ciuma nene ma.
Undû ûngî wa bata nî atî, ithiingithia icio ithukathukire bûrûri ûcio irûmanîrîire. Kîmwe gîacio kiuma na gîthimi kîa 7.2, na kîu kîîngî 7.5.
Kwa mûtino, andû igana rîa mîroongo îtaandatû na ana (164) maratuîka nî makuire nîûndû wa ithiingithia icio. Nao angî magana keenda ma mîroongo mûgwanja na ûmwe (971) atî nî magurarire.
Haathara ya Ithiingithia Gûthukathuka Venezuela Ûmûûthî
Ona gûtuîka amemeerekia a mohoro a BBC mariboteete andû 164 gûkua na angî 971 kûgurara, kûreerîkana atî nî ûhûthû naamba îyo îkorwo îkîrîîte hau. Kûrooneka ta arîa magurarire maangîkinya ngiri ciigana ûna.
Mawooni maya marooka toondû nyûûmba nî moomore nyiingî mûciî-inî ûcio mûnene wa Venezuela, Caracas, na îîria îngî îîtagwo La Guaira.
Ûûrûmwe wa mabûrûri (United Nations), uugîîte atî manyûûmba marîa mamomokire kûu La Guaira nî makîrîîte igana rîmwe (over 100).
Haathara îngî yoonekire nî ya kwanaangîka kwa ihaaro cia ndege. Kîhaaro kînene kîa ndege Caracas tayaarî nî kîhiinge. Kwoguo gûtirî ndege ingîgûa kuo kana ciûmbûke kuuma kuo.
Kîhaaro kîu gîa Caracas nîkîo gîîtagwo na njîra nguhî kîhaaro kîa Maiquetia. No rîtwa rîakîo rîothe nî Simón Bolívar International Airport.
Mûûndû ûmwe ûhotire kuoya biindiû nî oonanîtie mûtandao-inî ûrîa “airport” îyo îthûûkaangîtio. Mahiga maiyûire kûu thî marîa meenyûkaangire kuuma manyûmba-inî ma “airport”. O nacio ciirîng’i cia manyûûmba macio nî ngûu.
Amerika Kwîrîra Venezuela Ûteithio
Minisita wa bûrûri wa Amerika, Marco Rubio, oigîîte atî Amerika nî îîkûhe Venezuela ûteithio nîûndû wa mûtino ûcio wa ithiingithia. Venezuela kahiinda-inî gaaka îrî na mûtoongoria wa kûnyiitîrîra wîîtagwo Delcy Eloína Rodríguez Gómez.
President Gomez ooire ûtoongoria thuutha wa Amerika kûnyiita mûtoongoria wa Venezuela, President Nicolas Maduro, mweri-inî wa Njanûeri mwaka ûyû. Ona nginya ûmûûthî Maduro no mûhiingîre Amerika marî na mûtumia waake, Cilia Flores.
Andû Gûthiî na Mbere Kwamûkîra Ûteithio Thuutha wa Ithiingithia Gûthukathuka Venezuela
Andû a weendi mwega nî mathiîte na mbere gûteithia mûingî wa Venezuela ûrîa mûhuutie nî ithiingithia cia ûmûûthî. Amwe marateithîrîria kuumbûria mahiga ma nyûûmba mahonokie andû arîa hiihi mangîkorwo magwîrîirwo nî nyûûmba.
Andû a weendi mwega nî mathiîte na mbere gûteithia mûingî wa Venezuela ûrîa mûhuutie nî ithiingithia cia ûmûûthî. Amwe marateithîrîria kuumbûria mahiga ma nyûûmba mahonokie andû arîa hiihi mangîkorwo magwîrîirwo nî nyûûmba.
O na no kûrî andû angî maracookanîrîria ûteithio ûkinyîrio andû a Venezuela. Amwe ao nî andû arîa maciarîirwo Venezuela no maikaraga Amerika. Acio, na angî ta a kuuma Florida, marahothera Venezuela magereire harî gîkuundi kîa weendi mwega. Gîkuundi kîu gîîtagwo Global Empowerment Mission.
Thî yoothe nî îreendera bûrûri ûcio wa Venezuela weega, thuutha wa ithiingia icio na haathara yaacio. Mûtino wa ûmûûthî ni wîîki wa Ngai, ti ta îrîa îkoreetwo îkîhaanîka ya mbaara.
Andû nî maraamenya maûndû ti mahûthû harî Venezuela, mathiingata ûrîa ithiingithia icio ciuma nene. O na gûtikoreetwo na ithiingithia nene ta icio cia ûmûûthî îîria icio kuuma mwaka-inî wa 1900. Nîkîo ndeto iria irî igûrû rîu nî cia “earthquake Venezuela”.